Repsol YPF

Se o que buscas é un espazo sinxelo e á vez elegante onde cear e tomar unha copa sen moverte do sitio, este tipo de restaurantes son a opción perfecta. Os lounge e o seu estilo minimalista impóñense á hora de saír cos amigos porque, como restaurante, son un lugar onde cear tranquilamente que,  ademais, ofrece a posibilidade de prolongar alí a estancia, nun ambiente relaxado con música tenue chill out ou new jazz de fondo. 

Nas orixes desta cómoda alternativa atópase o combinar un restaurante de coidada decoración con espazos de diversión a media luz, onde prolongar o encontro tomando unhas copas, sen aglomeracións, con asentos a nivel do solo, ambientación tenue e música a un volume que permita a conversación. Estes lounge acostumen ser un espazo independente do restaurante, pero en ocasións ambos conceptos reúnense nunha mesma estancia.

Un dos aspectos a destacar deste tipo de espazos é que son locais nos que non se intenta aproveitar ao máximo a súa superficie útil senón que se proxecta un deseño desafogado, onde as mesas se colocan espaciadamente, algo que incrementa a sensación de tranquilidade. 

A decoración, fundamental

A decoración é un aspecto fundamental neste tipo de establecementos e a versatilidade do mobiliario adecúase dependendo de se se trata dunha atmosfera interior, un patio ou os xardíns do establecemento. De calquera forma, o estilo lounge ten a gran vantaxe de que se pode combinar con outro tipo de estilos, desta forma os espazos locen mellor. 

Neste tipo de restaurantes a disposición das luces estúdase con minuciosidade. Cando traspasas as portas dun destes establecementos, atopas mobles de coiro, cunha única cor de fondo ou ben unha estudada combinación de varios. No seu interior, detalles de estilo budista combínanse con outros máis mediterráneos, ou ben unha carpa sobre o mobiliario iluminada pola luz tenue das velas e lámpadas conforma o ambiente das terras afastadas de Oriente, con montóns de coxíns en plan chill out. 

Unindo comodidade e elegancia, algúns inspíranse no máis puro estilo neoiorquino cunha coidada decoración e hainos que ofrecen unha imaxe sobria na que se combinan os grandes espellos e candelabros con cadeiras antigas recicladas, paredes e sofás pintados das mesmas cores e altos teitos. 

Hai estilos safari,  restaurantes que evocan praias doutros lugares, con teitos de palma e palmeiras que crecen xunto a chans de auténtica area. Noutros locais, relaxantes regatos atravesan o restaurante, o local asolágase co colorido ambiente de Hawaii, inundado de flores e paxaros exóticos ou se interna na decoración exótica inspirada en terras africanas, con muros de terracota e detalles tribais. Hainos que viaxan ás antípodas e evocan nórdicas paisaxes invernais que convidan a unha conversa tranquila en voz baixa. 

‘Carpe diem’

Os lounge son un concepto cada vez máis de moda, pola comodidade que supón para os clientes que, despois de cear, poden prolongar a velada na zona disco, onde se pincha música en directo. Entre semana son perfectos para comer ou gozar dunha cea tranquila e, a medida que se achega a fin de semana, o ambiente se anima despois de cear.

Previamente, ao sentarse á mesa, a oferta varía de maneira notoria dun a outro restaurante. Hainos que ofrecen cociña fusión tanto mediterránea como internacional, comida dos cinco continentes, con sinatura de autor, cartas con aromas de Italia, comida desenfadada en horario ininterrompido, pinchos clásicos e bocados de alta cociña … Unha vez finalizada a cea, os tés, copas e cócteles, son perfectos para gozar da conversa e esquecer por un tempo as présas da vida cotiá. 

Ademais das ceas, algúns destes restaurantes tamén abren a primeiras horas da mañá e ofrécenche a posibilidade de estar nun ambiente tranquilo mentres almorzas ou gozas dun brunch, seguido dunha sesión de chill out. 

Artigos relacionados

- O brunch, unha alternativa para o fin de semana

- Comer suspendidos no ar